’
وداعيه على الدرب الوحيش المظلم المهجور
ظروف الوقت تجبرني لو إن النفس جزاعه !!
سبق سيف القدر عذل المعاتب يالحظوظ البور
وتلهّد فالتّباريح .. وركز فـ الصدر مشراعه !!
عسى حظك من الدنيا كبير وطالعك مستور
وعسى يجبر عزا روح من اللي صار ملتاعه !!
تولتني مقادير الليالي عنك ظلم وجور
وخلتني على باب الرجا من دون لإقناعه !!
وجودي ما جنيت من الأماني كون دق الزور
تمنيتك وعاقبني الزمان بكثرة اوجاعه !!
بكيتك من ضمير بالمواجع ما عليه قصور
صواديف الدهر في ضفها مودعته اوداعه !!
سمحت لجور وقتي ماسباه ايلين جاك الدور
وخذيت من المقادير لـ عتب الأشواق شماعه !!
زرعتك بالوفا ومن الحشيمه محتويك بسور
وسقيتك بالغلا يادهر خفاقي ومرباعه !!
ولكن للأسف دم الموده وان عتق مهدور
على يمنآ زبون ما ضما وصله ولاجاعه !!
على الله يا زمانٍ تشهد لحظي شهادة زور
يفرجها على اللي كم زهم حظه ولا طاعه !!
أنا اللي خط بي جور الزمن لأهل الحزن دستور
وأنا اللي ما رجى غير الكريم يحسن أوضاعه !!
حزين ، وفاقدن طعم الحياه ، وخاطري مكسور
ويبكيني .. نسيم الذكريات إن هب ذعذاعه !!
ولكن !! ياحزن كبدي على زيد الزمان يدور
ونرجع بالعمر .. وأرجّع التاريخ والساعه !!
رعاك الله ياقلب الملوع ،، ماتطيع الشور
وتقنع عن رجاك .. وتمتثل بالسمع والطاعه !!
=(
* مآفيه دآعي نشيل هموم كل السنين
ونجي بالأخير .. ونلآقي تعبنا سدآ ..!!
لولآ الردييّن ما نعرف مَن الطيبين ؟
لذلك الشكر لأهل الطيب وأهل الردآ ..!!
ششكراً (: