أحيان اضيّعك ياراعي الجبين العَفَر
.......... بين اللحَظات ، واسباب التلاقي الوشيك !
واحيان احـسـك تـدور للـمفارق عذر
.......... كثر ما ادور على حضنك ومسكة يديك !
واحيان اشـوفـك بعيني ما تـبي تِـعتبر
.......... إني حبيبك ، او إني شخص غالي عليك !
واحيان احسك مطر واحيان مثل المطر
.......... تصب وتبل قـاع اللـي نـشـف يـحتريك !
واحيان واجد اشوفك شي ماهو شِعر
.......... شـيٍ خلَـقـه الله .. بعيني وصوّره فيك !
ياللي سكنت المحاني والخفوق استقر
.......... القـلب يبـغـاك دايـم .. والمـحـاني تبيك !
’!