[راكب الحر]

للعين دمعة حُب .. وقلب امكسوري
و للقلب حرقه قلب .. سبّه بعاده

لا صار صدّه مُر خالط ، شعوري
سرحت في فكري ... و لآ به سعآده

عنده تسآوت غيبتي مع حضوري
من يوم ما أهملت قلبه .. ب زيآده

راع المواجب راع قلبٍ طهوري
صابر على غربالي اللي أبآده

حسسته ب انّه شيء مآهوب ضروري
و ابخست في قدره و عشت ب نكآده

الين خلّيت المشآعر تثوري
و أمسيت أوآسي مدمعي بالوسآده

درسي تعلمته ، و حفظته ب تجوري
اللي شراك بدنيته .. لا تعآده

و ان كان تبغي الصدق طِعْني .. ب شوري
كابر و لكن ! .. بالغلا . . لا آتّمآده !!

يا ذآ الخفوق اللي غروره شهوري
اليوم مضنونك وثق .. في عنآده

ظلمٍ ظلمته .. عوّد وجالي دوري
وشدّ الرّحال و راح ، وقفّى ب إرآده

ما عآد تنفعني ندآمه .. غروري
لا قفّى عنّك خل .. صعْب إْستعاده

للعين دمعة حبُ .. وقلب امكسوري
يا قلب زرعك ذآ .. و هذآ حصآده

.. وسلآمتكم كلكم .. و يشرفني لو آشوف رآيكم