السلام عليكم ورحمة الله وبركاته
مرحبا بالجميع قصيدة أرشيفية بمناسبة العطلة هالسنة..
البيت من عقبك غدى مسكن اشباح=هاذي مفارشنـا وهـاذا غطاهـا
واقول لك مرتاح مانيـب مرتـاح=روحي على شوفك تزايد عناهـا
قد قالها لول ترى الحب فضـاح=مالومها عيني إلـى هـل ماهـا
على الذي له بين لضلاع مفتـاح=مفتاح قلب ٍ ضمهـا ثـم عطاهـا
حب ٍ عن اجذور المعاليق ماطاح=داخل بروح ٍ مسكنه في حشاهـا
سبحان رب ٍ يشبك ارواح بارواح=اللي على سلـك المـوده لقاهـا
ليتك تجي وتعود واشوف ياصاح=ادمية ٍ شالـت خفوقـي معاهـا
ياروضة ٍ فيها النفـل دوم فـواح=وكل المكان اتعطره مـن شذاهـا
دوم اتخيل نبرة إفـلان لاصـاح=وهمسة إحروفك لاتردد صداهـا