[ليالي]

المشاركة الأصلية كتبت بواسطة saprj

و هذا أنا رديت مره ثانيه

وانا سعيده بردتك

- موقف طريف تعرضت له ليالي.

هذا الموقف ذكرته قبل بس اهو اللي يحضرني الحين ولا المواقف الطريفه اللي تصير لي اشكثرها

انا دوامي جنب بيتنا يعني يبيلي 5 دقايق بالكثير

في مره تاخرت شوي لقيت المسؤول حاط ورقه على مكتبي علشان اروح له بمكتبه

وانا ماشيه قاعده االف اعذار علشان اقوله

السياره اختربت....في حادث بالطريج.....ضباب والطريج واقف

واول ما دخلت عنده وبفتح فمي

جان يقولي انتي مو بيتج هني.......جان اقوله امبلا

جان يقول ليش تاخرتي........جان اقول راحت علي نومه >>>>جبانه

- موقف محرج تعرضت له ليالي.

مره كنت في محل اشتريلي كم شغله وعطيتهم البطاقه الكي نت علشان احاسب وكان حسابي 50 قالت الموظفه مرفوضه قلت لها جربي 40 قالت لي مرفوضه قلت لها جربي 30 هههههههه طلعت مرفوضه قلت لها انزين خل نحاول ب20 هم ما صارت وبيني وبينكم استحيت اقولها تجرب 10
صج انحرجت وجهي انقلب الوان وطلعت من السوق اشوي وابجي

- ما هو اجمل بلد زرتيه وما هو البلد الذي تتمنين زيارته؟

اجمل بلد زرته لبنان

والبلد اللي اتمنى اني ازوره ايطاليا

- ما هو تعريف ليالي لكل من : الوحده - الحزن - الفرح - البسمه - الغضب - الصبر

الوحده: هي الوقت اللي ارتاح فيه بعيد عن الناس ومشاكلهم

الحزن: ذكريات أليمه

الفرح: ذكريات الطفوله

البسمه: رفيقة دربي

الغضب: احد عيوبي

الصبر: الحل الصعب

و اكتفي بهذا القدر حاليا و قد تكون لي عوده.

تفضل بأي وقت