فديت زواري الي منتظريني
أدري أبطيت عليكم والسموحه
والحين باقولكم بقراراتي
أول شي الي خلاني أقرر يوم عرفت أن عبدالله
جوه بنات توم وانا اخر من يعلم حسيت اني عايشه بعالم ثااني
غير عالمكم ومبروك ماجاك ياعبدالله
اول شي انا من عادتي ما احب أكلم ناس من غير ما اعرف أسمائهم
لذا قررت بما هوا أتي ..
أول شي ألي أسمائهم مستعاره باغير اسمائهم وباسميهم من عندي
والي معرفه بأسمه ماراح اغير مثل ’’ عبدالله ’’ سارونه’’ عبدربه
أول شي بأبدء
بالمهيب وباخلي أسمه ماهر
طبع ملكه وباخلي أسمها بلقيس
قطر باخلي أسمه سعد
الدوق باخلي أسمه تشارلز مدري ليه قلت تشارلز
الراقيه فديتها وباخلي أسمها عده على أسم بنت عمي
أحسها قريبه من طبعها
أمير احساس وباخلي أسمه امين
سما لبى روحها باخلي أسمها سيما
على أسم مرت اخو خويتي
القرار الثاني هو اني باغير من القوقعه الي انا حطه نفسي فيها
وباتداخل مع الأعضاء بس الله يعينكم على بثارتي
هو صدق اني انا فيني نرجسيه وغرور بس والله أني طيبه
وعلى نياتي صدق أعصب بس بنفس الوقت وعقب أهدء وأصير أليفه
يعني اعصب حزت الشي وعقب وش حليلي مافي أزين مني
فيني ميزه زينه لو غلطت أعتذر وماعندي مشاكل بـ الأعتذار ولا احس انه يقلل
من قيمتي ,,,
أمممم أنا تعودت أني أخذ ما اعطي وهاذا كله يرجع لتربيتي شايبي معودني
على هالشي ولأني بنته الوحيده من بعد 12 ولد
كانت كلمتي تمشي على الكل وكلمتي ما حد يقدر يثنيها
حتى أخواني الي اكبر مني لابغوا شي من الوالد يجون عندي يقولون توسطي لنا
الوحيد الي يقدر يكسر راسي من اخواني لبنان أخوي الكبير أكبر واحد فينا
الفرق بيني وبينه يمكن حول 20 سنه أو أزود
بس لو قاله أبوي حب على يد أختك ماراح يقدر يقول لا
على قوته وجبروته ألا أنه مثل الطفل عند شايبي ولا يقول لا
ويوم يعرس واحد من أخواني يجمعهم شايبي كلهم في المجلس
ويعطيهم محاضرة عني ويقول لهم أختكم نوره هي راعية البيت
وحريمكم هن الطالعات وهي الداخله ولو سمعت بيوم أن حريمكم
غثوها بالكلمه مالها قعده في بيتي
وهالله هالله باختكم من بعدي لا تقطعونها ولا حد يجبرها على شي ما تبيه
وياكثرها النصايح الي يسمعونها
يكفي أنه كاتب بأسمي أرض في شمال الرياض تسوى لها ألاف الملايين
واخواني طلعت عيونهم على هاذي الأرض وماعزها علي وحاطها بأسمي
وابن أمه يتكلمون أخواني ويقولون نبي الأرض
فديت شايبي بس
بعد العرس كنت اكلم أبوي وأقول شلون البيت من عقبي
ويتنهد ويقول البيت من دون نوره طافين نوره
وما أقدر أتحمل وأطقها صيحه
بالله عليكم بعد هاذا كله وما تبوني أحس بالغرور
بس معكم هنا انا باختلاف أختلاف كلي وجذري
بتشوفون نوير الي ما شفتوها على بساطتها ورقة قلبها