ودولها باقى الصور والهدايا = والذكريات وباقيات المكاتيب
تاخذ هداياها وكل البقايـــــــأ = والخوف لاتنسونها غرشه الطيب
ولا لاتهاب اسرار كانت معايا = ماتدرى ان الحكى فيها اكبر العيب
والا اسالتكم كيف صادق رضايا = قولو سمح من شوفتة شقة الجيب
ودع بلا زايد ملام وحكايا = راح بضميرٍ من جرح كلة تأنيب
ياكبر واللة ياجروحى خطايا = بس العذر ياجروحى اللى معاطيب
غرتنى الدنيا...وصدق النوايا = لين الليالى شوفتنى التعاجيب
تنسا السنين ولاتطرى غلايا = رزاقى ورزاقها عالم الغيـــــــــب
واللة ماتلقى وفى بوفايا = والا الذى يتبع غلا صدها طيب
ماعشت بيدين العذارا رجايا = ذيبٍ ترزق وانتكف شامخٍ ذيب
خلوها تدلة مع حياة (الصبايا) = بس خوفتى تواجة حياة التعاذيب
قلولها منى تحفظ الوصايا = شورى عليها لايغزى راسها شيب
من عالمٍ يخفى وراة الخفايا = والا انا اودع على خير فى طيب
وسيع البنايد