بسم الله الرحمن الرحيم
هذه قصيدة أعجبتني فأحببت أن أطلعكم عليها وهي إهداء مني لجميع الأعضاء
يقول الشاعر:
من سلايل يام أنا
قوم لقياهم عنا
والعدو حن له فنا
لا صفق جال(ن)بجال
ما خلق فينا جبان
وان خلق مازاد بان
شي قدِر من زمان
والله ان موته حلال
طفلنا يرقى سنود
للورى ماهو يعود
سلم ربعه والجدود
من عمامه والخوال
ماحن نحب الخطا
لاسريع ولا بطا
جيدين في العطا
ونشل عسرات الثقال
ومن نوانا في رداه
والله ان موته وطاه
راح لربوعه زكاه
تحت حدبات السلال
ثم لكم منا سلام
باسم ربعي قوم يام
يختلط فيه البشام
من نسانا والرجال
عد براق(ن)نخيله
لنتثر واقبل بسيله
في جراهيد(ن)محيله
والظما ملقاع زال
ياعرب حن يام يصبا
ما حكمنا يوم غصبا
روسنا للعز تصبا
فوق هامات الجبال
وغيرنا حكمو غصايب
قودو مثل الجلايب
والنسا راحو ذهايب
باللقا عقب النزال
ضيفنا ليجا نعزه
والشحم صوبه نلزه
وبالسوالف ما نحزه
ونتخالف بالدلال
من سمع قافي وشكك
في كلامي ثم تلكك
يسأل الحكام والملك
عن عهدنا والمقال
يام موفين العهود
والمراجل زود زود
عن حمانا حن نذود
لينوو قوم(ن)جهال
بنتنا تسوى قبيله
يوم كل(ن)له حصيله
مالها من العز ميله
ولا بها قيل(ن)وقال
ما نوت درب الغزل
من قديمات الأزل
الأدب فيها نزل
وقلبها للدين مال
بنت يام اللي توارت
من عيون لها تبارت
فوق درب العز سارت
دربها ما هو شمال
زوجها منا وفينا
طير شلوى اللي زهينا
صلب دمه من دمينا
هو لها في وظلال
ودي اكمل وصوفي
غير خانتني حروفي
تزدحم في وسط جوفي
كنه صايبها جفال
والعذر ليبه قصور
بالقصيدة أو فتور
الهواجس بي تدور
من جنوبي للشمال
وفي النهاية والختام
صلوا واثنوا بالسلام
مقصدي سيد الأنام
نورنا في كل حال
أخوكم : ابن زابن