رردي ومجاارااتي معه
مما بدالي اطرق القاف بطار
وأرقا علا المسناد والجو صافي
النار توقد ثم ترمد من النار
في هالزمن مافيه شيً يخافي
دنيا بها تركض بها الخيل مضمار
والرابحه اللي علا الخصم طافي
تضحك علا هيئة رفيعين الاقدار
وصدورهم بانت ولا به خوافي
الجار وهو الجار ماهو كما الجار
ينحر ويسلب في سيوف الرهافي
احدً يمثل تقنته صنع الادوار
واحدً تشوفه في طريق انعطافي
ويش حيلة اللي اقتضا الليل سمار
من بعد ما كان الدجا فيه ضافي
ياهوه حرق القلب وعيون ابصار
تشبح وكن اللي تشوفه طرافي
لا والله الا العين ما جالها غبار
لو تنفتح أبواب والله نوافي
الوضع حوشً دار دوره ألاسوار
والطب في عل الغلل ما يشافي