اسبوع دار ودار من بعده اسبوع
والصبر سيفه فوق رأسي يسله
ما غير أحسب غيبتك تقل مفجوع
والحال مبري والطواري تعله
فرقاك صاعت خافقي يالغضي صوع
و أونس مضاريب السيوف الآجله
يا فرخ شياهنن له السمع والطوع
يأبو رموشٍ فوق خده مضله
يا عود ريانٍ على النيل مزروع
يأبو الثمان اللي خفوقي تتله
العين عين اللي على الكف مرفوع
صيده بعيد وصاحبه ما فطن له
يوم إنتهض يبغى العشاء من بعد جوع
حالت مسابيقه وعود محله
لا صار وصلك يا أريش العين ممنوع
الله ولا عشقٍ تحكمه مذله