منسوب حبك كل ليله فـ [ازدياد ]
................... يا خوفي انه يوصل لـ حد الجنون
ماهو مثل حب و غلا باق العباد !
................... يا الله تعين القلب و تْعين العيون
آثر الهوى لـ الروح مشروبٍ وزاد
................... و آثر الهوى مواهب و علم و فنون
لاموني اللي فيهم احساسٍ جماد
................... وشلون لاموني و هم مايعشقون ؟
عواذلي جهّال حتى فـ [ الوداد ]
................... و بـ لذة العشق وهله مايشعرون
لا صاروا يْعيشون في حالة حداد
................... قْلوبهم ، من حبنا فيها [ غبون ]
و اللي خلقك لـ غربة ايامي بلاد
...................اني / احبك فوق مالا " يعقلون "
و اعشقْك لو طالت مسافات البعاد
................... و ابيك و العشره عليـّه ما تهون
تعوّدت عيني على طول [ السهاد ]
................... و تعودت روحي ، تقاسمك الشجون
حتى [ احاسيسي ] ما تطلبك السداد
.................... دامك على عمري يا محبوبي تمون
قلبك بياضٍ ما عرف معنى [ السواد ]
................... و عينك تغض الطرف ما تعرف تخون
حوّلت كل [ احزان ] دنيايه رماد
...................حنون في صدك و في قربك حنون
ومادمت أنا جرح الزمن و أنت الضماد
................... خل الزمان ( يزوّد ) طْعونه طعون !
انت الشعر وانت الفكر وانت المداد
................... في غير حبي لك انا مالي ( شؤون )
تبي [ الحقيقه ] عاد و العلم الوكاد ؟
................... يا زين حبك لو وصل حد الجنون !