[ابوراشد]

السلام عليكم ورحمة الله وبركاته
هذا الموضوع يعلم الله اني كتبته بدون اي ترتيب او اعداد مسبق له ولكني شفت الكثير من الشباب يتكلمون عن القادمين من العجمان للأنتخابات الجايه
ولاحظت مثل الاغلبيه منكم ان الانتخابات محصوره في ثلاث او اربع فخوذ من العجمان وباقي العجمان منهم من يسد اللزوم ان شاءالله بس للأسف ماعطوهم فرصه الفخوذ الكبار
وللأسف صارت الانتخابات الفرعيه بين العجمان حميه بين الفخوذ وليس اختيار الافضل

المفروض فينا كعجمان لما يكون فيه انتخابات فرعيه ان ننضر للأفضل وليس هذا ابن عم او قريب او من نفس الفخذ والا راح يصير فينا مثل ماصار في الرقه الانتخابات اللي فاتت

انا ماني حاسد بني عمي اللي ينجحون كل انتخابات لكن وبكل أسف الكثير منهم من يوم ينجح معاد يعرفك ولا تواجهه في دوانيه ماسلم عليك الا عقب الشين كنه مايعرفك لانه ضامن الاغلبيه معاه
لكن لما يكون من الفخوذ اللي عددها قليل انا متأكد ان عطائه راح يكون اكبر لانه يعرف صعوبة المحافظه على الكرسي في هذه الضروف

وارجوا اني اشوف وجهة نضر الجميع