[محمد بن عرار]

المشاركة الأصلية كتبت بواسطة خالد بن جفن

(مفراص الحديد وانا ابن الأعجم) عزوه ونخوه للعجمان وتقال في الشدايد ومعناها اكسر الحديد او افك الحديد وانا ابن عجيم وتقال في وقت الشده والضيقه بمعنى اصنع المستحيل فيها ويا كثر الشيبان اللي يقولونها وقت المغازي ولحد الان دارجه الكلمه ومشهوره ولا لها شغل لا في حد ولا حدود ولا شي وكلام الاخ محنك صح في سالفة كنزان والنخوه قديمه اقدم من كنزان بكثير , وكلامه عن وطي القافيه صح لا يجوز وطيها في الشعر النبطي بعد سبع بيوت او اكثر والبعض يقول يجوز بدون علم وتعتبر ضعف كبير للشاعر . والشقر مثل ما قال لا يعتبر وطي والشقر صعب مهوب كلن يقدره والوطي يجوز في اللغه الفصيحه بعد سابع بيت ولا يضر القصيده .
بعض معلوماتي حبيت اشارك فيها وصح الله لسانكم جميع

والبيت ذا معناه قوي شوي
(اعرض هذا الكلام على اي شاعر غير محمد بن عرار ويمكن تقتنع- كلام سهيل)

اوحيت صوته لاكن وسط الحديد

ياتيه مَنْ يَكَّلَه في ملْطَعه

والدليل كلمة ملطعه ما تقال اعزكم الله الا للكلب
والشاعر سهيل قال اسال تفسير اي شاعر انت قلت انها شبك والبيت اللي قبلها

لا يالمحنك جعل عمرك مديد

طويق كايد وصعباً مطْلَعَه

مدح هنيا عقبن تغير المدح لمسبه ليه مدري ولا ادري من تقصد فيها

اوحيت صوته لاكن وسط الحديد

ياتيه مَنْ يَكَّلَه في ملْطَعه

ياليت تفسر لنا وتنشد يا اخ سهيل عن كلمة ملطع او ملطعه من تقال له تبي تمدح خويك وسبيته وانت ما تدري !!!!

لا احد يفهم تفسيري خطا او مقصود به احد والله يشهد علي لكن انشد اي عجمي عن كلمة ملطع ومن تقال له وكلكم اخوه وشعراء واعزاء لكن طلبت الراي يا سهيل .

سوف أداخلك في نقطه دامك تقول ان معناها إكسر الحديد و تقال في حال الشده و الضيق بمعنى إصنع المستحيل يعني هنا معنيين لمعنى العزوه ,, الأول وهو إكسر الحديد والثاني إصنع المستحيل,, فكيف يكون كلام المحنك صح

أرجو الرجوع الى الموضوع من أوله والتركيز فيه بارك الله فيك