غريب ضيّق خاطره جمّعة أغراب
وحيد لو ضاع العمر ما دروبه ..!
كم حلم ليله سكر بوجهه الباب
وبانت على وجه الليالي ندوبه ..!
العام كان بصحبته قلب وأحباب
واليوم مع جور الزمان إغدروبه ..!
ماهو بلاقي للغدر عذر وأسباب
ذبلان ودموعه حكت عن شحوبه ..!
يبكي على جرحٍ له سنين ما طاب
حتى أمتلى من صافي الدمع ثوبه ..!
يشكي من صدوف الليالي والأقراب
اللي عثوبه نوبةٍ بأثر نوبه ..!
يكسب من أيامه تناهيد وعتاب
ويبيع ضحكات الشمال لـ جنوبه ..!
حزنه ورق وضلوع صدره له كتاب
همه حطب وعروق قلبه شبوبه ..!
والغربة اللي أوجدت للشقى ناب
تنهش من أعماقه وتعلن غروبه ..!
غريب عاش ومات منفي ومنصاب
الله على اللي فالمصايب رموبه ..!!!
لــ ـ سطام الشامان