[مواريد المنايا]

كذا يامالـك ٍ قلبـي ويامالـك معـاه الـروح = قطعت القلب واشقيته وروحي يـوم تهجرهـا

كذا عقب الوفا وياك تجازي خافقـي بجـروح = صفـا حبـك وحبـي ليـه يالغالـي تكّدرهـا

كذا وشلون تتركني على فرش الحزن مطروح = حياتك عـن حياتـي ليـه تبعدهـا وتحقرهـا

طريح الفرش بغيابك واجرّ الصوت بك وانوح = عليل القلب بجروحك وعيني فيـك مسهرهـا

انادي والصدى ردد وصوتي غادي ٍ مبحـوح = وحيـد الليـل ونجومـه اشاكيهـا واسامرهـا

تعال وجوز من هجرك ترى مالك معه مصلوح = وطمطم بالصبر روح ٍ بدت تنفـذ واصبّرهـا

تعال بسرعة ٍ تسبق بروق ٍ بالسحـاب اتلـوح = أو بسرعة ضوا شمس ٍ ظلام القـاع تنورهـا

تعال امسامحك باللي جرالي والخطا مدمـوح = وروف العين ياعيني عسا اتكفكـف عبايرهـا

مع ان عندك خبر لو ويش تفعل يالغلا مسموح = ومثلك خابر دروب ٍ على شانـك مخاطرهـا

عليك الله ترى عندي عوافي كان بـك مذبـوح = يهون الموت عـن نفـس ٍ رفيعـه لاتحدّرهـا

واختّمها عسا شفوك اشوفـك ساعـة ٍ واروح = لعلّ النفس في شوفك تعوّض فـي خسايرهـا






فكر0 انسياب غير طبيعي 0 حزن 0 احساس0 غموض يماري وضوحه





اعجز عن الكلام لاني خايفه ان كلامي يهضم حقك يالمبدع





تحيـّر يابن جويّر 0 وينك من الساحه الشعريه ؟





بســـــــم الــلــه عليـــــك ياسعود





وعســـــــــــــــا عيــــــــنـــــــــــي عليـــــــــــــك بـــــــــــــــــارده