[بـوح]

الأوله نبدا عليكم بالسلام ** ونرتجي عفو الكريم اللي قوي

والثانيه نبدا ونمسك بالخطام ** اللي على الخيل الأصيله ملتوي

ودي أفاتحكم بموضوع الأنام ** اللي صداه اليوم يدوينا دوي

الحارثي صيته وصل فوق الغمام ** يهجي في العالم بلا منهج روي

يا حارثي إسمع في الهرج التمام ** اللي كما حد الصقيل المستوي

الشعر ما هو عنجهه والا خصام ** والا بيوت أكثار والمعنى خوي

إذا تبي العالم تبادلك إحترام ** حشم عدوك قبل ما تحشم خوي

الصقر صقر ولا يشابه للحمام ** والذيب ما هو ذيب لأجله بيعوي

الصقـر لا كفخ بجنحانـه وحام ** يصعد لمرقابه ولا هو بيهوي

والذيب ما يغدر ولا خاوى لئام ** وإذا إلتقى الصفين ما هو منطوي

يا حارثي نقدر نردد بالكلام ** اللـي تقـولــونــه وتـلـوونــه لــوي

لكن بعض القول يهوي بالمقام ** وأنا مقامي العز والراس إبدوي

ربعي عتيبـه والمطاليـق أهل يام ** في حزة الزحمـات نشويكم شوي

ماني مهايط لا ولا عندي إنفصـام ** لكن أبين لك وش اللي نحتوي

حنا مواقفنا مواقيفـن عظـــام ** واللي بينصانا نجيــره وإبنوي

والصقـر صقراً ما يشابه للحمـام ** والذيب ما هو ذيب لأجله بيعوي


بـ قلمي / بــوح