بسم الله الرحمن الرحيم
السلام عليكم وحياكم الله مع قصيده اخرى عسى تنال اعجابكم ودمتم
جمالك يخليني اسامحك لواخطيت/ولااطيع فيكم هرج واشي وعذالي
ولولاغلاكم ماترددت صوب البيت /ولااغليت كل الناس لرضاك ياغالي
ياليت اني اقدر واعلن الحب لك ياليت /ولاانت ليتك تعرف الحب من حالي
ناظر بعيني واعرف السر ليش ابطيت/خايف عليك ومنك يازين عزالي
يزدادجرح القلب لامنك بي هليت /واسكت واخليكم تزيدون غربالي
واذا شفت زولك يالطيف الحشى فزيت/وارتاح اذاشفتك وجلستكم قبالي
لا والذي له يابديع الحسن صليت/منساك مادام انت مخلص وتهوالي
واذا مريوم ماعلى داركم مريت /حسبته من ايام التعاسه ولهوا لي
وناكل ماناظرت بك يالغضي صديت/ولا ادري علامك ليه ياطيب الفالي
جروحي قديمه ونت زودتها وبكيت /شخص يحبك من قديم ومن تالي
اناواضح هرجي ولاشك ما رديت / تغلى علي وتعجبك بعض لزوالي
ومادام هذا يعجبك ياشقاي رضيت /رضيت بعذابك لي ونا قانع وسالي
سقى الله دار ياحبيبي بها حليت /وعسى يامرامي غيرنامالكم والي
على شان ماحد تعترض لي لمني جيت/ولايكثرون القول والقيل والقالي
وياماحلاالفنجال لامنك لي صبيت /وغيرك لامنه صب ماهو بيحلالي
على شان عينك يابديع الحسن غنيت /بيوت بدعناها لكم ياهوى بالي
لعل وعسى يازين لوصاف ماسجيت / من اللي حصل ونسيت يازين مرسالي
وسلامة الجميع