بكتبك.. وأغار لا اسمك يلامسه الحبـــــر
ولا يمكن اسمح للورق يحضنك وعيوني تشوف
لولا حداني للجفا حظي مع وقتي الغــــــبر
جيت أحرسك وامنع عيونك حول غيري ما تطوف
اظماك حيل ورغم شدة هالظما حبك كبر
حتى غدت صورتك في قلبي على كل الرفوف
أغليك . لا . مقدر عن إحساسي أوضح لك خبر
صادق شعوري لا حشا ما له شبيه ولا وصوف
قلتي صبر من هو كذب لك قال منك لي صبر
من طحت في حبك ونا مقوى على بعدك وقوف
لك كل عمري ما بقى فيني لغيرك لو شبر
كلي أبيك وما تغيرني مسافات وظــــــــــــروف
ترى كسور الحب صعبه ما لها حتى جبر
لا شك بأنك روحي وما حس منك بأي خــــوف
ما ني من اللي حبهم يوم ويولون الــــدبر
ولاني الذي يقوى يعيش وشمس خله في كسوف
يمكني أوصف شي من صغره إلى حد الكبر
والحب وصفه ما يجيبه حبر وأوراق وحروف
حبيبتي والوصل لو يبطي زمانه ما ســـــــــــــبر
يجيك علم إني أعيش بلا عقل وبدون شــوف
غصن مكسور