[طبــ ع ــي كــذآ.. }~]

المشاركة الأصلية كتبت بواسطة شخص عادي

لاهنت اخوي العابر ع الاستضافة
ونرحب بالضيفة اختي :طبــ ع ــي كــذآ.. }~
الله يوفقها ويسعدها

1-- تكلمتي عن الخذلان واعتقد عانا الكثيرين من الخذلان السوال كيف الانسان يعدي هذي المرحلة من حياتة او شنو يسوي حتى ماتاثر علية في المستقبل؟

2-- نلاحظ اغلب اللي كانوا ضيوف في موضوع{في ضيافتنا} بعد مايخلص الموضوع يختفون او تقل مشاركتهم ماهو السبب {وانا من ظمنهم} ؟

3--قصيدة لش قديمة في المنتدى وهي مجاراة للامير احمد السديري رحمه الله
تقولين فيها :

نــقّــالــةٍ للهرج قــــــومٍ يــقــولـــون= مـاعـنـدهــم الا كــثــيــر الـــجـــدالا
بعض الحكي لوجاك تبكي له عيـون= ولاتـبـوسـم لـــه شـفـاهـك مـحــالا
لاتصـدقـه مـــن دون تـأكـيـد يـاكــون= عـلـمٍ يجيـبـه لـــك ظـريــف الـعـيـالا
اللـي يـرد العلـم لـوكـان مــا يـكـون =عنـده صعيـب الآمــر يصـبـح سـهـالا
والا ترى هـرج القفـى طعـن وغبـون= ولايـكـسـبــون الا ذنــــــوبٍ تــــــوالا

ماشاء الله ابدعتي في المجاراة هل ابداعش هذا من تجارب الحياة ام من مجالسة كبار السن وكلامهم عن القيم والمبادي .


وسلامتش

يا هلا وغلا الله يجزاك خير ويرحم والديك..


ج1- بالبدايه يكون الامر صعب ولابد ياخذ وقت عشان يقدر الواحد يتعايش مع واقعه وان هالامر اصبح قضاء وقدر ومكتوب له رضى فيه او لم يرضى لابد ان الواحد يعيش حياته لانه مهما كان وضعه ومافيه من انكسار وحزن الحياه ماشيه وماراح توقف عند هالامور بعد ما يقدر انه يجتازها راح تكون تجربه وعبره وخبره يضيفها لقائمة تجاربه ويحاول يستفيد منها والله يبعدنا ويبعدكم عن كل امر اخره خذلان وانكسار..


ج2- الله آعلم .. جايز فترة نقاهه


ج3- الإبداع منبعك اولاً.. ثانياً اشكرك على هـ السؤال لان بـ صراحه اغلب كتاباتي لاتكون عن واقع تجربه مريت فيها ولكنها مجرد افكار او قد تكون قرائه لقصه او قصيده وتأثر فيني واروح اكتب على طول

وللآمانه هـ الآبيات او القصيده هذي جات صدفه وكتبتها للمجاراه ولكن اللي صار اني بعد ما كتبت هالقصيده خلال الثلاث سنين اللي مرت حصلت معي امور كل ما جلست مع نفسي تذكرت هالقصيده وكيف اني وصفت حالي فيها قبل لا اعيشه بالواقع

وبالتأكيد كبار السن والحياه لهم تأثير علي بس من ناحية كتاباتي قليل جداً


الله يسلمك يامرحبا طال عمرك