وجه السحابه شرق وان جامله نورك =يضوي بقوس الفرح يرخي هماليلك
يبرق ويرعد ولو هو خالطه جورك = يسقي عروق الغلا ضامي مراسيلك
وان سامره ليلكم ياخذ معه دورك = قصة بطوله كتبها من غرابيلك
في بوحها عتمتك يا ليلها سورك = يضفي عليها حزن شارب معاميلك
سامر ونار الوهم ما يسمعه شورك = حتى ولو هو سلك قمة مداهيلك
ياطاغيه وان تكبرتي شهد زورك =دمع حكى كذبكم صادق وياويلك
أمسك ويومك وباكر لو طلع طورك =يبقى دليل الغدر ناقش تفاصيلك
وان غركم بالحسن صفقات جمهورك = وشلون لا صرت لك أجمل دهاويلك
يا نافل جيلكم الحور هي حورك = لا للمكابر ولا تخفي معازيلك
أطنخ حلا لو سقى شهدك ضما بورك = تروي محب وما شكر فناجيلك