الشاعر والاستاذ عزيز بن جمعه البلوشي"دخيلش"
دخيل الله وبعد الله دخيلش
أنا مجروح من صدش وجورش
وفي وجهش وبين أمرش وبيدش
إبي منش تجودي لي بشورش
أحس كنه مناش ويوم عيدش
تعذبيني وأصير برهن زورش
أنا رجال ما ينخى ونخيتش
ورد خايب ولا أدري وشهو دورش
وأنا لي لا نساش الوقت أعينش
واغير طوري جعل أوصل لطورش
فدا قلبش فدا زعلش فديتش
فداني اللاش واللاباس وسورش
يا ذاك إلي وقف بيني وبينش
نصبيته برود ومن غرورش
هداش الله وروحي قد هديتش
هديتيني جفاش وبلد كورش
لزوم اشوف قدري وسط عينش
لزوم أعرف مرساي فبحورش
تعبني هاجس مرادي إلي يريدش
جعل كل هاجسن مني يزورش
ويصورلش ضمى جاشي ويحيدش
عن الهجر إلي ليله يرجي نورش
أنا مالي في مالش ولا زينش
أنا إلي بضمنش إنتي وشعورش
يا ليت أكون عقدن يزهي جيدش
يا ليت امري يزين كل أمورش
تحملت الضرر لعيون أفيدش
وقفيتي لي يوم أزهم حضورش
دخيل الله قولي وشهو دينش
لصم كتابه وأسلم من شرورش
إذا إنتي صادقه حلفي يمنيش
ونقطي حروفش إلي في سطورش
وحلفي انش تحبيني وأشيلش
في عيني مثلما في العين حورش
انا ارجي حكمش الي في ضميرش
خفوقي ضامر ويشكي ضمورش
وإذا إنتي كاذبه تكفى دخيلش
تفكي أسري واطفي حرورش
وعد لنسى ويالله لا يعيدش
وطلت زولش وساعة مرورش
مرسلة بواسطة عزيز بن جمعه في