[بورميه^البلوشي]

الشاعر والاستاذ عزيز بن جمعه البلوشي ((شيلة اللقى ))

دام اللقى في داخلك شي مرغوب
يجيبه ربي لابد أنه يجيبه
ودامي أنا أبغيك.. بسفك على دروب
دروبن تقرب حبيب لحبيبه
وإذا الهوي في مذهبك مزح ولعوب
بقفي على حبك وذا من نصيبه
مكتوب ومامنه ليا صار مهروب
الله يجازي قلبك الله حسيبه
يوم اني جيتك ما أبي منك مكسوب
قلبي كسب منك الجروح اللهيبه
ما يكسر القناص غرون ورعبوب
وأنا لو اني أبغي شي ما أسيبه
أطرد وراه العمر كله ولا أتوب
صحاصح البيدا ولو هي صعيبه
لكن عزيز وماني عالذل محسوب
وحبي الصامت ولاحدن دري به
لو إنته ماعرفت للطيب ماجوب
نكر الجمايل سالفه مو غريبه
يوم أن ابن سعيد في المملكه يجوب
جاه الغدر والغدر فالزين خيبه
خذ الرحال وشدها حد الجنوب
لمخاوة الرديان تدفع ضريبه
الطيب يلقى الطيب والطيب منسوب
وانا ابن عم الطيب وانا نسيبه
وأنا وطيبي مثل يوسف ويعقوب
ان راح عن بيتي بتسمع نحيبه
وناظري من بعد غيبته محجوب
طيبي يغيب وانبسط ذي عجيبه
هاذي الحياه يا كود غالب ومغلوب
خذ الكرامه رأس مالك وطيبه
ألا يا قايل أن في البدو عذروب
أن ما عرفت الشي حق لا تعيبه
دام الفراق بداخلك ماهو محبوب
ترا الوصل للقلب طبه وطبيب