[الجويّر]

يالغضي ليه جيت 0 من عقب ماجفيت = حبنا اللي نفيت 0 طيبته مع وفاه

العذر بك وروح 0 ياسبب ذالجروح = سدّنا مايبوح 0 وانت سبـّة خفاه

بس ابوح الشقا 0 وخدي المغرقا = يوم دمعي سقا0 لين شوفي عماه

ماحسبت العذاب0 والخفوق المصاب = بالجروح العطاب 0 وانت داه ودواه

رحت يامنيتي 0 وخانقت عبرتي = وصحت من حسرتي 0 وقلت لا للجفاه

يوم طعت العذول 0 يالغزال الجفول = مامداني اقول 0 رحت تمشي وراه

قلت ليه القهر 0قلتلي بالسهر = جعل يومك شهر 0 طايل ٍ في عناه

ليه صدقتهم 0 كان كذبتهم = لاكن اخترتهم 0 آآآه يالحب آآآه

يوم ولعتني 0 بالرّخص بعتني = ليه ضيعتني 0 بعبس ليل الدجاه

حسبي الله عليك 0 صار موتي بديك = وصار غيري وليك 0 واهتنيت بهواه

عشت عمري حزين 0 وفي مقامي حزين = وفي منامي حزين 0 حتى وقت الصلاه

فات شي ٍ تبي 0 فات يامطلبي = عاد لوني غبي 0 مايعود بخطااه

لاتزود الكلام 0 خلني بس انام= وخلّ ولد الحرام 0 ينفعك في وشاه

لو سمحت ابتعد 0 وارتحل للابد = لاتزود السهد 0 غيرنا عش معاه






وسلامتكم




الشاعر / سعود رتيبان الجويّر