لي صاحبٍ داره غرام أبرق الريش
وأنا جنوبي شيب راسي وعيني
يابوي تكفى كيف بالله باعيش
وألفين كيلو بين خلّي وبيني
وألفين نقطة وألف مركز وتفتيش
والشوق حمله والبلاغ الونيني**
وإن جيت أتلفن جاء بالإرسال تشويش
والوصل شفي والظروف إتحديني
لكن على الله بكتب القاف وآطيش
علّه مع الركبان ياصل ظنيني
سلام للي كفها **ما بعد نيش
من غير محرمها وعلمي يقيني
سلام من قلبي لقلبك وبشويش
ياضل لقلبك وين ماتحتريني
لأم الحلا والزين والملح والعيش
بيني وبينك مقبلات السنيني
منساك والله لو يتمّر نخل بيش
ويعود للسنّه حياة الخميني
ولا نساك والله ياحبيبي وحتيش
وتعزف بنات الغرب لحن الهجيني
وإن قالها الله لأعطي الحظ بخشيش
وآجيك ساعه وأحيي الشوق فيني**
بعدك عذاب يجرح القلب وآعيش
على الرجاوي يدوم بينك وبيني
ودعتك الله وانتبه لأبرق الريش
لا أحدٍ يحوف الصيد يا نور عيني**
**
هذي الشيله تذكرني بخط الحجاز