[المنفرد]

حلو الحكي يوقف على بدي الهواش
هوشه ماربي مقرن ابها مليحه

قالو دوا جرحك حبيبً كما الشاش
حلو النبا اسمه وشوف لفيحه

قلت البلا كبدي على النار والجاش
اللي تقولونه تهيض القريحه

واللي مخلي ذات نفسي بالفراش
سبت حبيب ً زاد قلبي جريحه

ياليتني ما جيت عنده ولا حاش
ودي وما فيها خوافي وبيحه

زينه كما عنقه قرينه وشواش
ودك تقول ألعن ابوها بصيحه

وانا نقشت احروف اسمه بمنقاش
ولاني معا الاجواد كفي شحيحه

ادري على زينه يسبب الادهاش
لكن سواس الحب عنده طريحه

حتى مواثيق الغلا عظمه اهشاش
ايوكله مترديه والنطيحه

ولا انا بينت له قصد والكاش
ودليته ادروب المحب الصريحه

حتى بدا ينفر ويبدا بالهواش
يبغي على الفرقا ويذبح ذبيحه

ويا قلب ياللي فالعنايه والانعاش
افلح معا الخطار اهل الفليحه

خل الذي من دون عرشك ولا ناش
يبقا على حله ويبقا فجيحه

عليك باللي لا زهمته ولا نحاش
يحفظ جهاتك لا تجي لك فضيحه

وياللي تقول ادوا حبيبً كما الشاش
جرحي سبايبها حبيبً جريحه


؛