دام الشجر ما عرف فضل العصافير = مال الدول شرهتن تلحق أهلها
نسمع ونجحد ونؤمن في الأساطير = ولا فيه حاجه سوى ربي كفلها
حنا نسج الخطاوي في المقادير = اللي توفق يلوم اللي أكلها
ما صك باب وفتح إلا بتدبير = ولا صافح الرزق ناسن من كسلها
كلن يعرف الردي غير المعاذير = القافلة في العسر تعرف جملها
ما ذل بعض النفوس إلا الدنانير = ولا صان بعض الرجال إلا عملها
من ضيع الدرب هفته المعاصير = ما ضرت الريح لو شدت جبلها
عندك من الظن هقوات وتبارير = الم لا تخلطه ويا عسلها
كل المواقف لها بعض التصاوير =كل الأوادم ما تدري من أجلها
العيب معروف ياراع التقارير = اللي حياته عن اخلاقه فصلها
إن طالت السالفه من غير تفسير = وإن اقصرت حشم اللي ما جهلها
فيحان الصابري