طالت الغيبه وش اخبارك
شف ظلوعي جالها حنه
مابعد دياري عن ديارك
كل يوم الشوق لا عنه
تسكن بقلبي وانا جارك
جيرتك اقسى جرح للونه
لاتوردني على نارك
وانت بين ايدينك الجنه
شحت الايام بأمطارك
ياوريث العشب لامنه
فاحت انفاسك من ازهارك
قمت أودع لاهب الكنه
بدرك الوهاج واثمارك
تاركه إليا من ضحك سنه
فارقه لا طلت انوارك
مثل فرق الفرض والسنه
أعذب أحروفي من أنهارك
كل بيتٍ فيك لي غنّه
اجمل اقداري هي اقدارك
عاشقك خبرك على ظنه
انت مهما طال مشوارك
راحتي يوم التعب منه
كل ماتطري لي اعذارك
الجوارح منك ممتنه
لا صحيح ان الهوى زارك
ماتشوف الوصل به منه
دام قلبي معك واختارك
حاول اداريه وتحنه
اقرب من يديك لزرارك
شاعرك بأشواقه وفنه
انت لو ترجع من اسفارك
هن قلبي باللقى هنه
قبل ماتنشد وش اخبارك
قهوني من كيفك وبنّه