[(( المري ))]

السلام عليكم يا اخواني اعضاء ومشرفين ومراقبين منتدى العجمان,


هذه القصة اللي بنقلها لكم حقيقة بس انها عاديه وانطبق عليها المثل اللي يقول

( ما ينظل حلاله الا راعيه )


انا عندي سيارة معاقبتني دايم انا في الصناعية يا في الشويخ او في الفحيحيل ,

والله اني اطلع من الدوام اروح على طول للصناعية

المهم ما لكم في الطويل عازة

سويت الموتر وقعدت في البيت ويمكن فترة شهرين ما جيت الصناعية ولا شفتها اللهم

اغير زيت السيارة وارجع .

وفجاة سألني واحد قال متى اخر مرة رحت للصناعية ,

قلت : من زمان اصلا موتري معد خرب علشان اروح للصناعية ,

والله يا اخواني وخواتي يوم رحت للسيارة وجيت ابي اتمشى الا الحرارة فل ,

واوقف ابي اشوف فيه تهريب ماااي او اي شي يدل على التهريب ما فيه تهريب ,

واقعد اسبوعين محد عرف علته بس مجرد ما اشغله وحرك مسافة 5 كيلوا تصك الحرارة فل

والله يالربع اني انجنيت وجننت هل الصناعية معي ما عرفوا العلة ,

وما فيه شي ما غيرته الرديتر والمروحة وكلش الروحة والفلسات اللي في المكينة وغطاء الرديتر

وكل شي غيرته بصراحة بغيت اشتري مكينة من السكراب بس في اخر لحظه قالي واحد شيل

الترموستات ويوم شلتها طاحت الحرارة يالربع اقسم بالله كأني عايش من جديد .

والله صدق ( ما يتظل حلاله الا صاحبه )

اسف على الاطالة وحبيت اني اشارك في هذا القسم بأي موضوع وكتبت ها الموضوع لاني تعقدت منه

واتحلم فيه بعض مرات .

وتقبلوا تحياتي واحترامي ,,,