هذي القصيدة للشاعر \القرقاح
انشاءالله تعجبكم
يابنت القمر ونجومه أقرب من القرقاح
غلطانه عسى الله يرحم غلطانه
ترى ماني بطير يحول على الملواح
وقلبي درى ويش أتصالك على شانه
اصخاف القلوب جروحها مالها جراح
و لولا نبضها وأحساسها مالها خانه
أنا أحرص من القناص وأصبر من الفلاح
وشبعانة كبدي بالغبن ورويانه
علي والله انك مثل نورة ومثل أفراح
جعلك فدوة للي لا عطا العهد ماخانه
عرفت الهوى الله لا يعوده ورحت وراح
مراح القطا للي نشر أطراف جنحانه
ودونه قفلت القلب بالقفل والمفتاح
رميته بحر من خوفة الله سبحانه
أبي راس مالي عقب مافلست من الارباح
ومحاجر عيوني بزرق الدمع غرقانه
وعين تكحلها دموع الندم وترتاح
لو تظهر عليها نجمه الصبح سهرانه
حسافه على المسرح وحسره على المسراح
ووجودي وجود للي فقد خيرة أخوانه
ياليت الزمن طير يحول على الملواح
برده ولا أدري ويش أرده على شانه