[الفهـادي]

السلام عليكم
اليوم حبيت أطرح قصيده كتبتها لأخوي المرحوم

أخليكم مع القصيده
ذكرت بالقصيده أخوي الأصغر والوالد وأنا
أتمنى أنها تحوز على رضاكم

العبره اللي في ضميري لها أيام**تكفا يابوجابر بدت في شهرها

يوم وراه اسبوع وشهور وأعوام**وطول غيابه يافهد في سفرها

يجيني أشوفه بنومي والأحلام**وأصبحت في هم العنا من بشرها

أون في تالي الليل والطرف مانام**ومن السهل زل القدم في وعرها

دنياي ضاقت من يمنها الى الشام**ماعاد اميز برها من بحرها

أنحر فيافي الأرض من ضيم وأهيام**ويخيفني صفق الهوى في شجرها

ياشين فرقا الأخ مع طول الأيام**وسود الليالي نورها من قدمها

قصر نظر عيني ومشياّ بالأقدام**أمتوني أعضودي شكت من ظهرها

حي معي باكيه عام قبل عام**يشهد علي جيوان واللي حضرها

صايم معي عام وذا العام ماصام**والعام عندي يوم هلت مطرها

ياشين شوف الحال عقبه ولاألاّم**مع الرجال أن جيتها بمحضرها

ذكره على بالي على صدري وسام**لي الفخر طاريه سر وجهرها

خالد شكى ضيم الليالي والأيام**وعينه شكت سود الليالي سهرها

جور الدهر حاكم على الحال بأعدام**والوقت ضد الروح ناوي قهرها

أنا أشهد ان الوقت جاير وظلام**وطول الليالي متعبه في سفرها

لاواعضيدي في الشدايد لي حزام**سيفي يميني سعد عيني نظرها

لاواعضيدي فزعتي ضد الأخصام**من شرها درع ذرى من خطرها

له عزوة تضرب على جمع بأقسام**علي راعي الحردى لا منه ذكرها

ليت الكفن طيّه علي لف بالخام**تحت الثرى بين اللحود وحجرها

عمر الفتى ماطال وان طال مادام**لابد له من حفره ماحفرها

راضي بحكم الرب في ظل الأسلام**مؤمن وصابر للقضاء مع قدرها

مات الرسول محمد خير الأنام**عقب الوحي له والرساله نشرها

يالله يامطـلوب للـغيب عـلام**الـطف بروحـه والـذنوب تغفـرها

ياربنا يا ذي الجلالي والأكرام**عساه في الجنه ويقطف ثمرها

ياكافل رزق الاودام والأنعـام**يامحـصي خلقـه وبـأمره ومرهـا


أبو جابر= الوالد الله يطول بعمره

فهد= اخوي الأصغر

خالد= أنا

وسلامتكم
بقلم
خـواطـر بـدوي
11/10/2004