السلاام عليكم ورحمة الله وبركاته
انقل لكم احدى قصائد الشاعر الكبير ضيدان بن قضعان
واترككم تستمتعون بقرائتهاا
الــدلو والمـيزان والــقوس والحـــــوت=ماغير برج العاج تغري وصوفــه
وبــرج بقلــبي بـرج لـولـو ويـاقـــــوت=لا يا بـعد بـرج الحمـام ورفوفــــه
مـا يسـكنه غـيرك مـن السـيف للكـــوت=لو ينتحي راس الولد عن كتوفـــه
عــلـــم وكــيد بـالــمواثيق مثبـــــــــوت=ما هو عذر الـلي يـفرك كفوفـــــه
والله لا سـافر لـك لـو ارجع بتابـــــــوت=وانا من اللي ما ربوا في مروفــه
عـلى الشقا لاع الهوى كل شفــــــــلوت=وانتي تلوعين الحشا بالطروفــــه
والـوقت لـلجاحظ والايـام هـــــــــاروت=والقلب حاتم وانتي اغلى ضيوفـه
يـا مـرحبا تـرحيبة عـقـاب يـا نــــوت=والحي يلحق لو تحـده ظروفــــــه
صـوتك يكـفيني عـن الـشرب والقــوت=وشوفك غناتي والحياه مخلوفـــه
يااقوى من اللوعات واسخف من التوت=وابلغ من البيت الاخير وحروفـــه
رجــــل تناديـــــنه ولا يســـمع الصـوت=خسارة سمعه وصوته وشـوفــــه
ورجــل يـضمـك بـين ايـاديه ويـمــوت=والله ما يلـحق حيـاته حســوفــــه