[الشامرى]

الاخ المستقل ،،،،،
الله يمسييك بالخير ،،
وسعيد بتعقيبك على موضوعى وانوه الى رد ابن عمى وجه يام (الدافور) الله يبيض وجهه وياك اللى قام بالواجب فى غيابى ولاهى غريبه منهم واعتذر عن التاخير واليك ردى :_________
اولا بنى هاجر وكذلك قحطان أخوه اعزاء قديم وحاضر وعوانى وحنا وياهم فى حلف وعهود والامور هذه راحت مع اهلها ولكن مثل ما ذكرت فى موضوعى السابق انى كتبته ردا على المغالطات اللى قيلت فى هذا الموضوع الا اذا انت مصدق ان راكان خاف من بن هادى ورا ح يطلب من ابن سعود ان يتوسطله عند الهواجر وابن هادى طبعا بدون قصور فى قحطان والهواجر خاصه وانت تعرف راكان جيدا كما ذكرت وصولاته وجولاته فى وجيه الحكام .
ياعزيزى يبدو انك قريت الموضوع بانفعال بحيث انك لم تلاحظ اننى لم اذكر ان ابن هادى رد هدية راكان ولكن بنى عمك هم من قالوا ان ابن هادى رد هدية راكان .
ثانيا انا ذكرت ان المصدر الشيبان وديوان بن فردوس وترى الشيبان وانا اخيك اصدق من بعض المصادر المكتوبه ولا فيه داعى اذكرلك اسامى شيبان العجمان علشان تصدقنى لان شى يعقل وشى مايعقل والشيبان والله انهم اصدق منا اللى احيانا يقصدون ويمدحون عدوهم ويعطونه حقه وليس كتب التاريخ اللى يتملق مؤلفها للحكام طبعا ليس الجميع ولكن معظمهم .
اما تعريفك لبنى هاجر فاعتقد انهم معروف نسبهم ومن يرجعون له ولم اتطرق او اقدح فى نسبهم حتى تعلمنا انهم يرجعون لقحطان .
واخيرا وجيه المحلف مكانتهم ومنزلتهم كبيره عند يام خاصه ومهما قلت من كلام لا اوفيهم حقهم .
ارجو تقبل ردى بصدر رحب وموضوعى السابق للتوضيح فقط مع رجاء ان لا ياخذ اكبر من حجمه.
وتقبل وابن عمى الدافور تحياتى ودمتم ،،،،،،،،،،،،،،