عزي لحال اللي تولع بالأجنـاب
--------اللـي قليبـة كـل يومآهـواوي
وبالذاكرة ماضيه يانوف ماغاب
---------وهذي حياة اللي بحبـة شقـاوي
قصايدة اليا كتب كلهـا عتـاب
----------يشكي من الفرقا ولاهوب قـاوي
اشفق على طرياك يااعز الأحباب
---------وانا على لاماه دايـم رجـاوي
بيني وبينة حال عدوان واصحاب
------------والكل منهم يعتـزي بالعـزاوي
لاوالله الا القلب يانوف منصاب
---------قلب جريح ولا لقلبـي مـداوي
ظني بكم يابن الأجاويد ماخـاب
--------وماظنتي فيكم تضيـع الهقـاوي
امبراطورة الشاعرات ليسا بغريب عليها المفردات الصعبه بترويضها
الشاعره جفول 0 صــــــــــــــح لساااااااااااانش ودامت لنا افكارش البعيده في مداها
والله يعطيش العافيه وبانتظار جديدش انشالله
تحياتي / الجويّر