عدت على خير...,
قالت غلطت وقلت عادي حصل خير= ومافيه داعي للاسف واعتذارك
ماهو خطأ لوقلت يحتاج تبرير= بس الخطأ لوكان هذا اختيارك
يابنت عادي بس يمكن انا غير= اذوب في صوتك واتوه ابمسارك
واتلحف انفاسك على قل تقدير= واسكن بقلبك قبل لاسكن ديارك
ادري حكي فاضي ولا يمكن يصير= وادري خيالي فوق شوق انتظارك
وادري الكلام احيان يحتاج تفسير=وانا كلامي تشتعل فيه نارك
هذا اختياري بس مافيه تخيير=كني مسافر بين ليلي ونهارك
يابنت مدري كيف عدت على خير= يوم اتصالك كن نبضي معارك
اصوات ترجف كنها قصف تدمير= وبرغم هذا كنت اهني وابارك
تدمير عمري ودولة القلب تغيير=كنت انتظر لحظه يدوي قرارك
لني موافق فيك من دون تفكير= استعمري روحي وحطي شعارك
قصدي اسكني قلبي وسميه تحرير =وانا بحبك غصب عني اشارك
يافاتـنه ياصوت رااااقي وتعبير= هذي حياتي تحت رهن اختيارك
وهذا مصيري ينتظرمنك تقرير= داااام النواااايا جاثمه لا اعتبارك
فيصل المريسي