قالوا علامك تقول الهرج وترده=قلت اعذب ابيات قول الشاعر اكذبها
لو كنت ميت غرامٍ في بحر جده=اجحد واغني بيوتي في جبال ابها
ولو قلت ريمٍ وشاماته على خده=يمكن اكذب وتطلع في حواجبها
وان كان قلتوا تعد الحق .؟ ما اعده=اشوم عن ناقل الهرجه وحالبها
ما بحت سدي وقلبي حافظٍ سده=وانا الحقيقه عن ادنى الناس حاجبها
كله لعينا حبيبي ناقشٍ يده=شاعر وازّين له بيوتي وارّتبها
قالوا توده وقلت شلون ما اوده=وهو مجوّد على نفسي وقاضبها
ياهاجسي لد لي بعض النظر لده=وان ما تجاوب معاك الكيف خربها
من غير ضمٍ وكسر ورفعٍ وشده=وشلون ما تستوي لك جمله اعربها
وان قالوا يكد شعره قل ما كده=وان قالوا امدح عيون الزين عذربها
احبها حب لو طال الجبل هده=واحب حاجاتها واعشق حبايبها
رزينةٍ لو تجي بالماقف تسده=وهي وريعٍ سوات الطفل الاعبها
ومدام كلٍ يبي ياخذ على قده=ليش اتعذب مع روحي واعذبها
سلام والله معاكم يابحر جده=مدري سلامي عليكم ياجبال ابها .؟