[بدوي]

السلام عليكم ورحمة الله وبركاته

اخوي العجمان الله لا يهينك على هالرائعه
والله يرحمهم جميعا برحمته ويرحم اموات المسلمين ..


هذي ابيات الشيخ هادي بن قرمله طال عمرك ..

لا بد من يوم(ن) يثور كتامه "=" اما على العتبان والا على يام
ربعي كما سيل(ن)تلاطم عجامه "=" من الكويت للحسا له تليطام
لي لابة(ن)حدرتها من تهامه "=" وسلاحهم صنع الافرنجي والاروام
هذا عنا عود(ن) لفانا سلامه "=" اللي قذانا بالبكا والتضيام
ويا ذا البهم والله ان تباري الجهامه "=" الين تنزل بين صفوى والاوجام

وهذي بعض الابيات الناقصه من قصيدة الشيخ راكان بن حثلين ..

فان كانكم مثل الرعد في انقصامه "=" فان الرعد ينبت زبيدي برظام
وان كانكم سيل(ن)يطم العمامه "=" فحنا زبار(ن)يشرب السيل الي عام
معنا الطويل اللي تجيكم علامه "=" يركب على جمع الطوابر و الاروام
مهند(ن)يفري الظهر من عظامه "=" سيف(ن)صقيل فيه سوى البلا حام
اهديت لك نور السلف و الجهامه "=" ابيك ذخر(ن)في مقابيل الايام
غديت انا وياك مثل النعامه "=" جاها بلاها من ثقيلات الاقدام

وهذا حسب ما سمعته من الشيبان

تحياتي لك