قلبي الكويت ونبضي الشيخ جابر
يالحزن كافي بس كل يوم احزان =بالامس زاااايد راااح واليوم جابر
اقسم برب الكون لو كنت انسان= لا اجعل من احزاني بصدرك مقابر
واستعمرك يالحزن لو كان ماكان= واجعل جروحك للخلايق معابر
لا من توصل لفناء قصر دسمان= قصر الكرااام ودار عز الاكابر
شوف العلم فيه من الامس زعلان =قلبي الكويت ونبضي الشيخ جابر
ماعاد فيني حيل زهقان زهقان= وماعاد فيني صبر ولا عاد اكابر
وشلون اعيش وداخلي جرح واحزااان=لا الموت مأخذني ولا الحزن صابر
يالحزن تكفى بس تغتال الاوطان= وش عاد غير الدمع يروي المنابر
وانته مثل منته فرحان فرحان =اخذت ذاك اللي لـــدينه مثـــابر
يالحزن كافي بس كل يوم احزان =بالامس زاااايد راااح واليوم جابر
فيصل المريسي