يوم اقبلت في سواد اليل قلـت ارحبـي = يا احب واغلى من العربان ومن بايسير
قالت دخيلـك تفارقنـي بجـاه النبـي = ترى انتهاك المحارم ميزة أحقر حقيـر
يا تايه الراي ما عندي لك اللـي تبـي = انا نذْيرتـك ولا مـا تهـاب النذيـر
قلت ابتلاني بك الله جعل يبـلاك بـي = حلفت بالله ما اخليـك مهمـا يصيـر
قالت وهي تبتسم مجنون يـا لاجنبـي = لكن قبلناك واخترنا معـاك المصيـر
وابا انشدك من متى ربي معنيـك بـي = قلت اشهد اني معنا بك وتوّي صغيـر
حبك ذبحني رضيع ويوم صرت احبي = وصلت دوافع هواي اني عليك استغير
هيا انشديني عن اللي فات واستجوبـي = حُبٍ قديم صعدته في حنايـا الضميـر
قالت لي اطلب ونا البيك قلـت اطلبـي = حُبة مبيسـم يقدمهـا عشيـر لعشيـر
واتحضنتني ومنكبهـا علـى منكبـي = وسْكرت بين الونين وبين ريح العبيـر
وعيونها هي وقلبي في طـراد وسَبـي = واقفت بقلبي وهو مطعون مسبي واسير
قالت تغزل قبل ما اروح صوب اعربي = ترى الغزل في مواقف مثل هذي كثير
قلت الغزل فيك..... = يسري معي سرية البارق بليل غزير