مساء الخير
كل عام والجميع بخير
ياخـوك خـل البهرجـه عنـك واللـوم = بين .. البصيره .. والبصيره .. عمانا!!
فـارق اغانـي اليـوم عـن ام كلثـوم = فرق الجزيـره عـن محطـة روتانـا!!
إقلاع .. هز .. ورقص .. والذوق معدوم = فيـروز راحــت وافـرحـي ياديـانـا
بتفاهـة الاحسـاس جمهـور مصـدوم = مـن عـام الاول كلهـا .. ليـلَ دانـا !
وذيك الهبيله غنّت : ( ايـوه ومعلـوم ) = في منطـق (الهنـدي) تحقـق منانـا !
ريـح الخزامـى خالطينـه مـع الثـوم = مدري ذكـا ... والا استغلـوا غبانـا !
مابين عقلي والهـوى صـرت موجـوم = ويـاالله تفرجـهـا عـلـى مبتغـانـا
مادام موضه ... ( سبعة انعام وانعوم )!! = إلا عــن التـزويـر تـكـرم لحـانـا
حريـة المـرأه وانـا اقـول مفهـوم!! = وباسـم التقـدم ارقصـي ياجمـانـا!!
وحريـة التعبيـر دسـتـور مخـتـوم! = وين انـت والتعبيـر وذا مستوانـا ؟!!
وجه(ن) على كف الزمن كـان مرسـوم = واليـوم مـن كثـر التناسـي نسـانـا
وانـا مـع التغييـر مانـي بمـلـزوم = لوشهّروا بـي فـي محطـة روتانـا !!