هذه البيتين الجزلة اتاني بها واحد من الجماعه ويتحداني ابني عليها وأجاريها وهي ابيات لشاعر جزل ولا أعلم من هو وهي:
منيتي لامن ذكرته وانا عنه بعيد = سبعه وتسعين فكس ار واللون ذهبي
لو مال الراجحي راس مالي والوليد = ماتمنيت الا شوفه وهذا مطلبي
فجاريتها اقول:
يالله يالمعبود ياللي على الأمة شهيد = أغفر ذنوبي وثمن صلاتي وتعبي
هاضني بعض اللواحن من بيوت القصيد = أستهيضي يالقوافي معي واستطربي
وأعتليت الرجم وأشرفت في راسه وحيد = غابت الشمس وتحرك نسيم المغربي
ياحمامة لاتغني على عود الجريد = لا سمعتي القاف صغته تغني واطربي
وصل المكتوب بالله ياساعي البريد = عطه من هو في القا دوم درعي وسلبي
سالم اللي يمتدح بكس فكس ار جديد = وارد اليابان صنع الخواجه الاجنبي
لاركبه اللي على الخوف قلبه من حديد = يصله داره ولو هي بعيد تقربي
وانا بغيت الصدق خذ مني العلم الوكيد =ان غيره مالمواتر ليا قام يهبي
قلتها وابي حمد للشعر دايم عميد = منتهج نهجه ولو هو طريق لولبي
أعسف البيت القوي وأعسف الطرق الشديد = ماخذ(ن)الشعر ورث من أجدادي وأبي
أحرق الشعار وأصحاب الاحساس البليد = يرتفع من بعض الاشكال دقني وشنبي
فمل عين في حجرها مثل نار وقيد = كل ماشفت الغضي نار قلبي تلهبي
ناعس العينين واللي من اشكاله فريد = أمجدي في حسنها يالقصايد وأكتبي
يالعنود اللي بقربك مثل حبل الوريد = لاظميتي فاردي القلب علي واشربي
هاضني بعض اللواحن من بيوت القصيد = وأختتمت بذكر ربي مع ذكر النبي