|
انا بليا فخر تعبان منحاس .. الوقت بعثرني وانا جيت المه
قصيده اعجبتني فكرتها وفيها نوع من الطرافه وحبيت اشاركم فيها .
يقول:
عيني تراقب بالغلا عقد الألماس=في جو غامض والمخاليق زحمه
لافيه فزاعه ولافيه حراس=واخاف غيري لا بعينه يخمه
من عنق مريوش الهدب عدم الاجناس=راعي العيون السود دلوعة امه
جيته وانا اونس بالحشا مثل الامواس=قلت استشيره قبل اجازف واضمه
وقف وانا من دون رحمه ولااحساس=صدمته بكتفي ولاجبت كلمه
قالت:وجع قلت:الوجع يخطي الناس=الا حبيبك لاعنالك بهمه
قالت:من انت وقلت:حاضر على الراس=من انت رغم الجرح نقطه مهمه
انا بليا فخر تعبان منحاس!!!!=الوقت بعثرني وانا جيت المه
جيتك من احزاني على مركب الياس=مجروح من هالعين محتاج رحمه
ملهوف جنبك يضرب اسداس باخماس=أسمه وجع وانتي زهمتيه بأسمه !!!!؟
وسلامتكم واتمنى انها تعجبكم .
__________________
احاسب نفسي القشرا واراجع كل شي(ن) كان=وبانت لي حقيقة عمر توه يكشف قناعه .؟؟
بغيت اعيش فالدنيا حياتي شاعر(ن) فنان=واصور كل ما حولي بفكري وارسم اطباعه
لقيت الفن فالدنيا سوات الورد فالبستان=تلذذ به عيون الناس والتعبان زراعه ...!!!
|