الأخ الـقـديـــر " صالح بن جارالله " ، السلام عليكم و رحمة الله و بركـاتـه
الحقيقـه أنني لسـت ممـن يشـاركـون كثيـرا في منتديـات الشعـــر و أقسـامـه
من غير قصور بكل إخواننا الشعـراء الكـرام و إبداعـاتهـم ، و لكنني وجـدت
نفسي مرغما بالوقوف عند مشاركتك هذه و الرد فيها ، يمكـن شدّتني الشـدّه
كل الشكر و التقدير لك يا عزيزي على هذا الأبداع و لا تحـرمنا مما هـو آت
مع خالص تقديري لك
ـــــــــــــــــــــــــــــــــــــــ
ظرفي يبعدني واعيش بخيالك = وابني الامل لاشك وقتي يهده
يا مخفي اسرارك ولغز احتمالك = اللي على الخاطر من الحكي بده
واسأل وانا باجاوبك في سؤالك = واعلمك وشلون هجر المخده
وان قت لي وشفيك ضيقت بالك = فأنا العزيز اللي قسى الوقت ضده
وانا الجريح اللي من الشوق هالك = وانا الغريب اللي نقل كل شده
حس بشعور اللي عنى لك وجالك = وفكر وقل هالادمي وش يحده
ما تشوف يالمغرور حرفي عنى لك = وقصيدتي ... سميتهااا المستبده
شعري يطاوعني الى جاء مجالك = وحروف قافي حضرت مستعده
يحق لك تغتر واتشوف حالك = حتى السلام اتشح به ما ترده
عينك بها سحر يبين جمالك = وغنجك مع الترفات ما احد ينده
أي ... والله انه لايق لك دلالك = دلع ... دلع ماشفت مثله وقده
ويزيد حسنك لا انسجمت بجدالك = والموت لا خالط امزوحه بجددده
واهيم قدااامه ما عاد اتمالك = نفسي الى حمر ... بالاحراج خده
انا اتحدى كل من جاء قبالك = يظبط بتفكيره ..حسابه وعده
حسن وترف بالله مالي وماااااالك = تبي الحقيقه وصل الصبر حدده
اغتر سو اللي ببالك حلالك = شاعرك يعلن لك ولاء ... الموده
يموت بعيونك وخدك وخالك = ولا من ضحكتي يالغلا باح سده
زبدة كلامي (كلمة ٍ ) قلتها لك = اربع حرووووف فوقها حط شده
ـــــــــــــــــــــــــــــــــــــ