[شهد]

عرجاني خطير

1- اذا نمت ما قمت واذا قمت ما نمت ..

(قلها خمس مرات بسرعة وبدون غلط )
المسالة يبغالها تنظيم انت شكلك وين مااسندت راسك نمت . ابدا من بكرة ابد لاتقيل ولاتنام طول النهار من بعد الساعة 9 مسموح لك تنوم من بعدها عاد انت بتفز ثاني يوم وانت شبعان ومطفح بعد وقل شهد ماقالت


2- النسيان .. يعني انسى كل شي ,,,

النسيان يكون ميزة فبعض احيان ويكون مصيبة فاحيان ثانية <<< يكون مكتشفة الذرة الحين مع هالزقم والله اذا لقيت انت حل لاتبخل فيه علي الفصل الدراسي بدا والامتحانات مندسه ورا الباب تولم تبي الدخلة والبال ساهي والتناحة منوخة.... لاتزيد المواجع خلني قد نسيت


3- التصريف ,, يعني التصريف عندي على قرش.. حتى لو ما عندي شغل

حله بسيط جدا كلم اخوانك وقلهم ياجماعة أي رجال يسال عني فانا موجود حتى لو ان قلت لكم اني مب فيه. قلطوا الرجال وصوتولي قدامة .(عاد فيك خير ماتطلع هاك الحزة هههههههههه)



4- العناد ,, لدرجة اني اعاند ابي في اي شي حتى في السياسه... الله يستر
من المباحث لا يمسكوني انا وابي ..

العنيد هو الشخص ( قامت تفلسف ) اللي يبغى يحقق رغباتة مهما كانت صعبة سهله صح خطا مايهمة المهم يحققها وغالبا يكون العنيد من فئة خالف تعرف يعني يبي يختلف لمجرد الاختلاف مو لانه مقتنع بوجهة نظرة
الحل : (بالله عليك شايفني دكتورة تحرا الحل مني . من امس وانا اعصر مخي ماطلع منة غير موية بيضا فيها حبوب سود ... لاتحوم كبدك ترى حبوب السودة ذي حبات الهبال اللي عندي ) لا استنى طلع شي ..
فكر بينك وبين نفسك وش نهاية هالعناد وش نهاية هالتناحة حاول انك تنازل عن رايك لحساب راي غيرك مرة وحدة جرب ماانت خسران. حط فبالك ان ماهوب دايم انت الصح.
وبعدين ياجدي وش لك بالسياسة تراهي عما عين ماغير تسل حالك وتهبل بك . تابع مسلسلات مكسيكية اصرف لك . كود تتعلم لغة

واسفين اذا بدر غلط منا على غير قصد وشكرا على صراحتك ومشاركتك