اقتباس:
|
المشاركة الأصلية كتبت بواسطة زهير
اشواقي وتحياتي للجميع
بعض الأوادم اليامن قمت ترسله = تلقاه عقب التواضع كابر(ن) راسه
بالطايفي ودك تطقه على القله = يمكن ورود الهدا تستنهض احساسه
ودك نسيم الصباح العذب ياصله = ينعش فؤاده هوا الغربي بنسناسه
لعل قلبه يضخ الدم لاعله = ويزيد في مستواه ويرفع قياسه
من شان تنشط خلايا المخ وتدله = وتذكره ناس تنتظره ومحتاسه
وتذكره من كتب له يشرح العله =اللي من اسباب قلبه ضيع الطاسه
يشكي عليه الزمان وينتظر حله = لكن شح بذهبه وشح بنحاسه
ماكنت اظن العميل يخاف من ظله = واثره لو افرش حرير وزل ماداسه
بالله ياللي توديه الخبر قله = ماظن يحتاج له تخطيط ودراسه
سوالف(ن) دارجه من بين خلق الله = مافيه داعي لشيطانه ووسواسه
وقله يحط الرسايل داخل السله = مادام يزعله حبر(ن) فوق قرطاسه
تبادل الراي مايخرج من المله = ودنياك تحتاج وسعة صدر وسياسه
|
زهيييييييييييييييييييييييييييييييييييييييييييييييي يييييييييييييييير
وربي كل بيت قصيده..... عجيبــــــــــــــــــــــــــــــــــــــــه يالقرم....صح الله لسااااااااااااااانك ملاااين
وسجل إعجابي بهالفاتنه..
إختك
نشميه