بعض الأوادم اليامن قمـت ترسلـه=تلقاه عقب التواضع كابر(ن) راسه
بالطايفي ودك تطقـه علـى القلـه=يمكن ورود الهدا تستنهض احساسه
ودك نسيم الصباح العـذب ياصلـه=ينعش فؤاده هوا الغربي بنسناسـه
لعـل قلبـه يضـخ الـدم لاعلـه=ويزيد في مستواه ويرفـع قياسـه
من شان تنشط خلايا المـخ وتدلـه=وتذكره نـاس تنتظـره ومحتاسـه
وتذكره من كتب له يشـرح العلـه=اللي من اسباب قلبه ضيع الطاسـه
يشكي عليه الزمان وينتظـر حلـه=لكن شح بذهبـه وشـح بنحاسـه
ماكنت اظن العميل يخاف من ظلـه=واثره لو افرش حرير وزل ماداسه
بالله ياللـي توديـه الخبـر قـلـه=ماظن يحتاج له تخطيـط ودراسـه
سوالف(ن) دارجه من بين خلق الله=مافيه داعي لشيطانـه ووسواسـه
وقله يحط الرسايـل داخـل السلـه=مادام يزعله حبر(ن) فوق قرطاسه
تبادل الراي مايخـرج مـن الملـه=ودنياك تحتاج وسعة صدر وسياسه
روعه انت روعة يا زهير يعجبني اسلوبك ويعجبني قصيدك
يعطيك العافية سجل اعجابي وحرصي على متابعة ماتكتب