ياسعد يامسنـدي مـر الغنوجـه=لاجل حالي ياسعد ترفق بحالي
الغنوج اللي لها الروح معروجـه=ماصحيـت الا بعـد عـدة ليالـي
لاهرج لي ياسعد تكفـي هروجـه=كن يعطينـي جنيهـات وريالـي
لايق(ن)كحله على العين الدعوجه=وزاهي(ن)خده مع الوشمـات خالـي
فج صدري با الغلا وأحكم فجوجـه=فدوة(ن)له ياسعد سمـح القبالـي
ان لقيته ماتجي النفس محروجـه=وان فقدته ياسعـد عـزي لحالـي
ضاق صدري كل بر(ن)رحت أدوجه=لين أفيض عبرة(ن)جت بااحتمالي
حن قلبي حـن عفـرا ومخلوجـه=يـوم حنـت للحويـر باالمفالـي
والسلام أختام من قلب(ن)يحوجـه=فزعتك يامسنـدي قـرم العيالـي
تحياتـي لـكـم
اخوكم برق الوسم