يكرم...وجه أبو القاسم
لا والله إلا غدينا وجبة دسمه=مادامها وصلت الدعوى لأبو القاسم
قصيدو لاتقرأ لمرة واحدة ، قصيدة تكشف مع كل قراءة لها أن ((ناصر القحطاني)) كتب عشر قصائد في نص واحد ، وفي كل نص لغة ، وفي كل لغة سحر يشدك لقراءتها ثانية.
وها هو ((ناصر)) يلوح بسيف الشعر منتصرا ً لرسولنا الكريم ((محمد)) صلى الله عليه وسلم
((ناصر)) عودنا على التميز في الكتابة على جدران الروح.
اللي تودع ضناها العام مبتسمه=قالت عساه الذهاب إن ما رجع داسم
ماعلمتنا عن الموقف متى حسمه=لا أنتظروا أصحابه اللي ربهم قاسم
السالفه طولت والناس منقسمه=يالله بنصر ٍ عزيز وموقف ٍ حاسم
لا والله إلا غدينا وجبة ٍ دسمه=مادامها وصلت الدعوى لأبو القاسم
يكرم عن الحالمين بوصفه ورسمه=تخسى الرسومات واللعنة على الراسم
اللي تجرت يدينه عرفوا باسمه=هي ما بعد ذاقت الميسم من الواسم
وش يامر الشيخ فيه وإن غابت البسمه=والله مايصبح إلا والثغر باسم
إن ثار المليار والجاني وجب وسمه=كل ٍ مصيره مع أهل الخير متقاسم
وإن لانت الريح نسمه في قفا نسمه=يكرم ويكرم ويكرم وجه أبو القاسم
لشاعر / نـاصــر القـــحطاني