السلام عليكم ورحمة الله وبركاتة
صلو على النبي
البارحه ودموع عيني همايل
...... اذرف دموع العين من ضيقة البال
كن داخلي تطعن بروس الصقايل
...... من هرجة الكافر على خير مرسال
يازمرة الشيطان بيت الخمايل
...... لابد من يومٍ يجي فيه ولوال
ولابد ماتدرون يوم الشلايل
...... عن سيد الامّه وعن ذرب الافعال
هذا النبي ياللي تشب الفتايل
...... اللي بنوره نوّرت كل الآجال
ولا انت لو حاولت فعل الهوايل
...... مثل البهيمه ماتميّز بالاقوال
الا النبي ياضايعين الفعايل
...... أطهر بني آدم على مر الأجيال
اللي بصدقه يضربون المثايل
......ولا انت كافر تتبع الغي محتال
وقّف هنا يكفي ولا نيب قايل
...... ياللي تشيل ذنوب ماهيب تنشال
اهل المعارف في العصور الاوايل
...... تدري براعي الحق من وين مامال
هذا رسول مغتني بالفضايل
...... نظمى وذكره لاظمينا له زلال
وانا كلامي مايبي له دلايل
...... واضح ووضوح الشمس يبقا ولا زال
ولاتلفّت في كلام الهزايل
...... واعوذ بالله منك وآيات الانفال
لو ادري ان لك قلب ماهوب مايل
...... وضّحت لك واسدلت عن شمسك ظلال
تعبد بهيمه واتوسّل وسايل
...... طلب رضاها واتباها وتختال
مني وجاتك في حروف الرسايل
...... اسكت خسيت ولا تمنّا بالآمال
من سيّد الأمه فلا انته بنـــــــــايل
...... تخسا ومن يتبعك من دار الأنذال
//
//
//
جراح بن ضيدان العجمي
//
//