[عبدالناصر آل عبدان]

المشاركة الأصلية كتبت بواسطة فهيد بن عصيدان

صـــــبـــــــــــــــــــاح الخــيـــــــــــــــر..

أفكار وآراء خاصه أختصرها في قصيده..

عساها تعجبكم,,

.

.

.

اللّيل طوّل بي ولاغضّ لي طَرف=وسرابي الهاجوس شرقٍ..ويمّه

أخطا هجوسي لهجة..(النحو والصرف)=وأسمن فرايد هرج الأعراب..خمّه

آغرف في غبّة بحور النّبط..غرف=وأنقص مزاد الحرف..والنّقص أتمّه

شرايد أفكاري تناوشتها ظرف=أفكار أبيح أبها الى من تهمّه

آعرف وأجهل كثر ماعرف..وآعرف=ان الغرور..المقبره والمطمّه

لكنّ..يدبل كبدي الشاعر الترف=اللّي قصيده كنّه..أحكاية أمّه

ماني بحب الا شعر..سادة الحرف=اللّي لها تاج القصيد ومعمّه

والرّجل له ذكرٍ يكفّي عن العرف=والعارفه ياتمدحه..ياتذمّه

أحب من يكرف لقول..ونعم..كرف=وأيجنّب ادروب الرّدا والمذمّه

يصبر لونّه ضَدّه الوقت والظرف=لو شان وجه الوقت ماشال..همّه

وأن حدّته بقعا على الدّمع والذرف=يزهم بني عمّه..ولحمه ودمّه

مثل الدويش وفعل..حماية الشرف=أيحامي الرجّال..دون أبن عمّه

الحر..كانه جنّب الجول والزرف=ماهوب حرّ..الا شبيبيط..سمّه

والسيل..وش هو كان ماورّث الجرف=ماهوب سيلٍ من عرضله..يطمّه

دوّنت لي..مجموعة أفكار في ظرف=عنونتها في..((أمر الى من يهمّه))

وسلامتكم,,

ارررررحب يااافيهد



وبيض الله وجهك معودنا على الجزلاااات يالجزل



قصيده جزله وكامله بكل المقااايس



صح بوووحك يالقرم



متااابعتي




وتحياااااتي



اخيك






عبدالناصر