اقتباس:
|
المشاركة الأصلية كتبت بواسطة الجويّر
مرحبا يام الجدايل مرحبا يام الدلالي = يادوا روح ٍ عليله شوفتك همي تشلّه
مرحبا عدّ الخصايل فيك يازين الخصالي = وعدّ نجمات ٍ جليله بالسما فوق ومطلّه
مرحبا عدّ القوايل مرحبا عدّ الليالي = مرحبا عّد الهميله من مزون ٍ مستهلّه
جيتني والوضوع مايل واستعدّل بي ميالي = بس لو مانتي بخيله في وصل قلب ٍ تولّه
لو بعثتيلي رسايل في غيابك بالوصالي = كان صدري عن غليله سالم ٍ مافيه غلّه
اكرميني بالوصايل تصبحين أم الكمالي = ملح واكرام وجميله ، للهواوي منوتلّه
لك جمال ٍ بالمثايل ينضرب فيه المثالي = مال وصفك من مثيله يجمع احلى الوصف كلّه
اول الوصف الجدايل كنـّها سود الليالي = وعينها الحورا ضليله في رموش ٍ مستضلّه
حاجبه حاني ومايل فوق عينه له ميالي = لاترقصّـلي دخيله مودع ٍ للحال مــلّه
مشيته مشية اصايل بالدلع ياشفّ بالي = وماكواني بالنفيله . كود ساق أبرم واخلّه
كتفها ناهض وطايل منفرد والجيد طالي = والبطن ربي مزيله والثقل بالورك زلّه
صدرها للثوب شايل طلعته ياهمّ الا لي = لبسها واضح دليله , ( جنز) ردفه حاقطلّه
ريقها مدري زلايل او شهد بالذوق حالي = ذقتها ليله وليله 0 لايبسّ ريقي تبلّه
واختم الاقوال قايل يامعـّذبة الرجالي = حبك الاقشر يبيله قلب صابر في محلّه
وســــلامتــكم
الشــــــاعر/ ســــــــــعود ارتيبان الجوير
|
اررررررحب ترااااحيب المطر يابن رتيبااان
وصح الله لساااانك مدد بلااااا عدد
على الجزله يارااااعي الجزله
قصيده قريبه من النفس
من شاعر متمكن
صح الله لسااانك
ودعتك الله